کیا عیسیٰ ہی مسیح ہیں؟
ہم اکثر عیسیٰ کے بارے میں اور اس حقیقت کے بارے میں سنتے ہیں کہ اُنہوں نے ہمارے لیے صلیب پر جان دے کر ہمیں نجات دی۔ اور جو کوئی اُن پر ایمان لاتا ہے ہمیشہ کی زندگی پاتا ہے۔
ہماری زندگیوں کو بچانا – یہی منتظر مسیح کا کردار ہے... لیکن کیا عیسیٰ ہی حقیقی مسیح ہیں، یا ہمیں کسی اور کا انتظار کرنا ہے؟
برگزیدہ ہستی، یعنی اُس کے بارے میں جو ہم سب کو نجات دے گا، زیادہ تر معلومات ہمیں یسعیاہ نبی کی کتاب سے ملتی ہیں، جو تقریباً آٹھویں صدی قبل مسیح میں رہے اور نبوت کی۔ یہ موٹے طور پر عیسیٰ کی پیدائش سے 700 سال پہلے کا زمانہ تھا۔
1یسّی11:1 یسّی: یسّی سے مراد حضرت داؤد کی نسل ہے (یسّی حضرت داؤد کا باپ تھا)۔کے مُڈھ میں سے کونپل پھوٹ نکلے گی، اور اُس کی بچی ہوئی جڑوں سے شاخ نکل کر پھل لائے گی۔ 2رب کا روح اُس پر ٹھہرے گا یعنی حکمت اور سمجھ کا روح، مشورت اور قوت کا روح، عرفان اور رب کے خوف کا روح۔ 3رب کا خوف اُسے عزیز ہو گا۔ نہ وہ دکھاوے کی بنا پر فیصلہ کرے گا، نہ سنی سنائی باتوں کی بنا پر فتویٰ دے گا 4بلکہ انصاف سے بےبسوں کی عدالت کرے گا اور غیرجانب داری سے ملک کے مصیبت زدوں کا فیصلہ کرے گا۔ اپنے کلام کی لاٹھی سے وہ زمین کو مارے گا اور اپنے منہ کی پھونک سے بےدین کو ہلاک کرے گا۔ 5وہ راست بازی کے پٹکے اور وفاداری کے زیرجامے سے ملبّس رہے گا۔( یسعیاہ 11:1-5 )
ہم توقع کرتے ہیں کہ مسیح داؤد بادشاہ کی نسل سے ہوں گے…
1دیکھو، میرا خادم جسے مَیں قائم رکھتا ہوں، میرا برگزیدہ جو مجھے پسند ہے۔ مَیں اپنے روح کو اُس پر ڈالوں گا، اور وہ اقوام میں انصاف قائم کرے گا۔ 2وہ نہ تو چیخے گا، نہ چلّائے گا، گلیوں میں اُس کی آواز سنائی نہیں دے گی۔ 3نہ وہ کچلے ہوئے سرکنڈے کو توڑے گا، نہ بجھتی ہوئی بتی کو بجھائے گا۔ وفاداری سے وہ انصاف قائم کرے گا۔ 4اور جب تک اُس نے دنیا میں انصاف قائم نہ کر لیا ہو تب تک نہ اُس کی بتی بجھے گی، نہ اُسے کچلا جائے گا۔ جزیرے اُس کی ہدایت سے اُمید رکھیں گے۔“5رب خدا نے آسمان کو خلق کر کے خیمے کی طرح زمین کے اوپر تان لیا۔ اُسی نے زمین کو اور جو کچھ اُس میں سے پھوٹ نکلتا ہے تشکیل دیا، اور اُسی نے رُوئے زمین پر بسنے اور چلنے والوں میں دم پھونک کر جان ڈالی۔ اب یہی خدا اپنے خادم سے فرماتا ہے، 6”مَیں، رب نے انصاف سے تجھے بُلایا ہے۔ مَیں تیرے ہاتھ کو پکڑ کر تجھے محفوظ رکھوں گا۔ کیونکہ مَیں تجھے قوم کا عہد اور دیگر اقوام کی روشنی بنا دوں گا 7تاکہ تُو اندھوں کی آنکھیں کھولے، قیدیوں کو کوٹھڑی سے رِہا کرے اور تاریکی کی قید میں بسنے والوں کو چھٹکارا دے۔( یسعیاہ 42:1-7 )
یہاں ہم دیکھتے ہیں کہ ”خادم“ فروتن ہوگا، لوگوں کے سامنے اپنی آواز بلند نہیں کرے گا، اندھوں کی آنکھیں کھولے گا…
یسعیاہ اپنی کتاب میں اُن کے بارے میں اور کیا بتاتے ہیں؟ دوسرے لوگ مسیح کے ساتھ کیسا سلوک کریں گے؟ اُن کے ساتھ کیا ہوا اور ہمارے لیے اس کا کیا مطلب ہے؟ اس کا جواب دینے کے لیے یسعیاہ مستقبل میں آگے بڑھ کر براہِ راست ہم سے اُس مسیح کے بارے میں بات کرتے ہیں جسے ہم پہلے ہی رد کر چکے ہیں۔
1لیکن کون ہمارے پیغام پر ایمان لایا؟ اور رب کی قدرت کس پر ظاہر ہوئی؟ 2اُس کے سامنے وہ کونپل کی طرح پھوٹ نکلا، اُس تازہ اور ملائم شگوفے کی طرح جو خشک زمین میں چھپی ہوئی جڑ سے نکل کر پھلنے پھولنے لگتی ہے۔ نہ وہ خوب صورت تھا، نہ شاندار۔ ہم نے اُسے دیکھا تو اُس کی شکل و صورت میں کچھ نہیں تھا جو ہمیں پسند آتا۔ 3اُسے حقیر اور مردود سمجھا جاتا تھا۔ دُکھ اور بیماریاں اُس کی ساتھی رہیں، اور لوگ یہاں تک اُس کی تحقیر کرتے تھے کہ اُسے دیکھ کر اپنا منہ پھیر لیتے تھے۔ ہم اُس کی کچھ قدر نہیں کرتے تھے۔4لیکن اُس نے ہماری ہی بیماریاں اُٹھا لیں، ہمارا ہی دُکھ بھگت لیا۔ توبھی ہم سمجھے کہ یہ اُس کی مناسب سزا ہے، کہ اللہ نے خود اُسے مار کر خاک میں ملا دیا ہے۔ 5لیکن اُسے ہمارے ہی جرائم کے سبب سے چھیدا گیا، ہمارے ہی گناہوں کی خاطر کچلا گیا۔ اُسے سزا ملی تاکہ ہمیں سلامتی حاصل ہو، اور اُسی کے زخموں سے ہمیں شفا ملی۔ 6ہم سب بھیڑبکریوں کی طرح آوارہ پھر رہے تھے، ہر ایک نے اپنی اپنی راہ اختیار کی۔ لیکن رب نے اُسے ہم سب کے قصور کا نشانہ بنایا۔7اُس پر ظلم ہوا، لیکن اُس نے سب کچھ برداشت کیا اور اپنا منہ نہ کھولا، اُس بھیڑ کی طرح جسے ذبح کرنے کے لئے لے جاتے ہیں۔ جس طرح لیلا بال کترنے والوں کے سامنے خاموش رہتا ہے اُسی طرح اُس نے اپنا منہ نہ کھولا۔ 8اُسے ظلم اور عدالت کے ہاتھ سے چھین لیا گیا۔ اُس کے دور کے لوگ—کس نے دھیان دیا کہ اُس کا زندوں کے ملک سے تعلق کٹ گیا، کہ وہ میری قوم کے جرم کے سبب سے سزا کا نشانہ بن گیا؟ 9مقرر یہ ہوا کہ اُس کی قبر بےدینوں کے پاس ہو، کہ وہ مرتے وقت ایک امیر کے پاس دفنایا جائے، گو نہ اُس نے تشدد کیا، نہ اُس کے منہ میں فریب تھا۔10رب ہی کی مرضی تھی کہ اُسے کچلے، اُسے دُکھ پہنچائے۔ لیکن جب وہ اپنی جان کو قصور کی قربانی کے طور پر دے گا تو وہ اپنے فرزندوں کو دیکھے گا، اپنے دنوں میں اضافہ کرے گا۔ ہاں، وہ رب کی مرضی کو پورا کرنے میں کامیاب ہو گا۔ 11اِتنی تکلیف برداشت کرنے کے بعد اُسے پھل نظر آئے گا، اور وہ سیر ہو جائے گا۔ اپنے علم سے میرا راست خادم بہتوں کا انصاف قائم کرے گا، کیونکہ وہ اُن کے گناہوں کو اپنے اوپر اُٹھا کر دُور کر دے گا۔12اِس لئے مَیں اُسے بڑوں میں حصہ دوں گا، اور وہ زورآوروں کے ساتھ لُوٹ کا مال تقسیم کرے گا۔ کیونکہ اُس نے اپنی جان کو موت کے حوالے کر دیا، اور اُسے مجرموں میں شمار کیا گیا۔ ہاں، اُس نے بہتوں کا گناہ اُٹھا کر دُور کر دیا اور مجرموں کی شفاعت کی۔( یسعیاہ 53:1-12 )
ہم دیکھتے ہیں کہ رد کیا ہوا اور حقیر جانا گیا مسیح ذبح کیے گئے برّے کی طرح ہمارے گناہوں کے لیے مر گیا۔ وہ بے اولاد مر گیا، پھر بھی وہ ”لمبی عمر پائے گا“ اور ”اُس کی بہت سی نسل ہوگی“۔ غالباً اس کا مطلب یہ ہے کہ مسیح اپنی موت کے بعد زمین پر یا آسمان پر جی اُٹھیں گے اور اُن کے جسمانی یا روحانی فرزند ہوں گے۔
اب اپنے لیے ایک مشق کے طور پر، اور یہ فیصلہ کرنے کے لیے کہ آیا عیسیٰ ہی منتظر مسیح ہیں، متی، مرقس اور یوحنا کی گواہیاں پڑھیں جنہوں نے اپنی زندگی کا بڑا حصہ جسمانی طور پر عیسیٰ کے ساتھ گزارا، اور طبیب لوقا کی بھی، جنہوں نے عیسیٰ مسیح ناصری کی زندگی کے حقائق نہایت باریکی سے جمع کیے…