Kiyá ettúk beshi Isai girza asé?

Duniyát ettúk beshi girza asé, hor ekkán girzar alog alog riwaz, rosom aar biswas asé. Añára hon girzat shamil oiyúm?

Katholik, Orthodox, Baptist, Lutheran, Methodist, Presbyterian... Dorzen dorzen boro boro Isai firka asé, aar bout girza ore girzattun nizore alog gorí rahe, rosom aar biswasor forok gún dahai dé.

Isai dinor laí alog alog girza táka bala ne, zeñtē ekzone tar laí beshi munasib girzat shamil oi farbo?

Isai ókkolor maze bag oiyon Rasul Paulusor zamanatúi shuru oiyé. Ite Korinthor girzar hasé ehán leikké.

( 1 Corinthians 1:12-13 )

Hétolle, añára nizore nize zigai saiyúm: Baptist ókkol ki añárar laí krusot shuli dewa giyé? Na tuñárare Lutheror name baptisma dewa giyé?

Isai ókkol rosomor khuti-nati, Trinityr maná, Allahr nam, hare Rasul hoi farzé, ítar uore hamesha torko gorí táke... Bout falasafi aar hekmotwala manúsh Kitab Mukaddas forí hono hono ayat aar baabor maná loi torko goré. Lekin añárar insani hekmot añárare hoñ dikkya loi zaibo?

( 1 Corinthians 1:20 )

Añárar insani hekmot aar alog biswasor zuma, Kitab Mukaddas ottú sasí aanileú, añárare madot no goribo.

( Matthew 11:25 )

Ekkán ekkán Isai firka tar nizor biswas loi, girza aar tar netá ókkol mani solibar laí kanun aar rosom thik goré. Lekin ehán beggún ekkan zinisór dikkya loi zaa – bag oiyá. Aar alog alog girza táka Isai dinor uore kiyán asor goré?

( Matthew 12:25 )

Zehon añára ekkan monzilor dikkya rasta dí háṭí, rastar bádha gún or uore beshi dhiyan no dii. Bádha gún aar íin ore kene sambalibo, ítar alosonát dhiyan no dii. Íyar bodola, añára monzilor uore nozor rakhi aagdi zai. Thik gorí krus kene ankibo, baptismar thik toriká kiyán, ítar alosonar uore ú ehán lagu oy. Ei alosona gún añárare bag gorí no dibar, aar asol zinisóttun dhiyan no sorai dibar.

( 1 Corinthians 1:10,30 )

Hétolle, añára ki hono girzat shamil no oiyúm? Na. Girzat shamil oile waz-nosihot dí Allahr Kalam shikibar laí madot goré.

( 1 Corinthians 1:21 )

Mone rakhiyó, girza ekkan dalan nó, girza oilde manúsh. Allahr ummot aar Allahr ghor

( 1 Corinthians 3:16 )

Girzar memmor ihsabe, tuñár nizor zindegi, dil aar ruhr laí thik bunyad rakhibo aar nishchit goribo – Isa Moshih.

( 1 Corinthians 3:11 )

Aar hono khas firka ba aláda netár fiseñ no zaiyó. Ei duniyar manúsh ókkol dhoré no goriyó.

( 1 Corinthians 3:4-7 )

Aar hamesha asol zinisór uore dhiyan rakhiyó – Moshih Isa, ekzon aar ekmatro zinda Allahr asol surot.

( 1 Corinthians 3:21-23 )