Isa Masihor ttu modot mági arde “Ai Tañar uore bóroosa gori” hoile ki yoth? Tañar naam loi dakile ki yoth? Ai ki najat faiyum — asolé ki etará asan?

Niser aiyat ba híyan ottu milé aiyatún forile baade, etará shawal añárar monót aye, nóile manshé añárarttu fusár.

Duniyát ettúk beshi girza asé, hor ekkán girzar alog alog riwaz, rosom aar biswas asé. Añára hon girzat shamil oiyúm?

Katholik, Orthodox, Baptist, Lutheran, Methodist, Presbyterian... Dorzen dorzen boro boro Isai firka asé, aar bout girza ore girzattun nizore alog gorí rahe, rosom aar biswasor forok gún dahai dé.

Isai dinor laí alog alog girza táka bala ne, zeñtē ekzone tar laí beshi munasib girzat shamil oi farbo?

Isai ókkolor maze bag oiyon Rasul Paulusor zamanatúi shuru oiyé. Ite Korinthor girzar hasé ehán leikké.