Prabhur namot dak dibar maná ki?
Bout zonor mone ekkán soal
Isare madot saibar laí dak dile aar tar uore biswas rakhiyó boli bolile ki hoé? Tar namot dak dile ki hoé? Añare nazat dibo ki, aar ei ki shotti ettúk shohoz?
Ei soal ókkol aksor ei roko ayat porile mone aashe:
Kiyá ettúk beshi Isai girza asé?
Duniyát ettúk beshi girza asé, hor ekkán girzar alog alog riwaz, rosom aar biswas asé. Añára hon girzat shamil oiyúm?
Katholik, Orthodox, Baptist, Lutheran, Methodist, Presbyterian... Dorzen dorzen boro boro Isai firka asé, aar bout girza ore girzattun nizore alog gorí rahe, rosom aar biswasor forok gún dahai dé.
Isai dinor laí alog alog girza táka bala ne, zeñtē ekzone tar laí beshi munasib girzat shamil oi farbo?
Isai ókkolor maze bag oiyon Rasul Paulusor zamanatúi shuru oiyé. Ite Korinthor girzar hasé ehán leikké.