நான் இரட்சிக்கப்பட்டிருக்கிறேனா?
நீங்கள் இரட்சிக்கப்பட்டிருக்கிறீர்களா என்று மக்களிடம் அடிக்கடி கேட்கப்படுகிறது; அல்லது அவர்கள் தங்கள் இரட்சிப்பைக் குறித்துக் கவலைப்படுகிறார்கள், மரணத்தைக் குறித்துப் பயப்படுகிறார்கள்.
ஆரம்பத்தில் தேவன் நாம் ஏதேன் தோட்டத்தில் அவரோடு இருக்கும்படி நம்மைப் படைத்தார். ஆனால் ஏவாளும் ஆதாமும் விலக்கப்பட்ட கனியைப் புசித்தார்கள்; அதனால் பாவம் நம் வாழ்க்கைக்குள் வந்தது. பாவம் நம்மைத் தேவனிடமிருந்து பிரிக்கிறது. தேவன் இல்லாமல் ஜீவன் இல்லை. பாவம் மரணத்தைக் கொண்டுவருகிறது…
2ஆனால், உங்களுடைய பாவங்களே,உங்கள் இறைவனிடமிருந்து உங்களைப் பிரித்திருக்கின்றன.உங்கள் பாவங்களே அவர் செவிசாய்க்காதபடி,அவருடைய முகத்தை உங்களிடமிருந்து மறைத்திருக்கின்றன.( ஏசாயா 59:2 )
56மரணத்தின் கொடுக்கு பாவம். பாவத்திற்கு பெலன் கொடுப்பது மோசேயின் சட்டமே.( 1 கொரிந்தியர் 15:56 )
பாவம் செய்யாதவர்களைப் பற்றி என்ன?
8நாம் பாவம் அற்றவர்கள் என்று சொல்லிக்கொள்வோமேயானால், நம்மை நாமே ஏமாற்றிக்கொள்கிறோம்; சத்தியம் நமக்குள் இல்லை.( 1 யோவான் 1:8 )
20ஒருபோதும் பாவம் செய்யாமல், சரியானதையே செய்கிற,நீதியான மனிதன் பூமியில் ஒருவனும் இல்லை.( பிரசங்கி 7:20 )
தேவனிடமிருந்து பிரிக்கப்பட்டிருப்பது என்றால் என்ன?
20பாவம் செய்த ஆத்துமாவே சாகும். தந்தையின் குற்றத்தில் மகன் பங்குபெறமாட்டான். மகனின் குற்றத்தில் தகப்பனும் பங்குபெறமாட்டான். நீதியானவனுடைய நீதி அவனுக்குரியதாக எண்ணப்படும். கொடியவர்களின் கொடுமையோ அவர்களுக்கு விரோதமான குற்றமாக எண்ணப்படும்.( எசேக்கியேல் 18:20 )
தேவன் ஒளியாயிருக்கிறார், தேவன் அன்பாயிருக்கிறார், தேவன் ஜீவனாயிருக்கிறார். தேவனிடமிருந்து பிரிக்கப்பட்டிருப்பது என்பது ஜீவனிடமிருந்து பிரிக்கப்பட்டிருப்பதாகும். பின்வரும் வசனங்களிலிருந்து இதை நாம் காணலாம்.
4அவரில் ஜீவன் இருந்தது; அந்த ஜீவனே எல்லா மனிதருக்கும் வெளிச்சமாயிருந்தது. 5அந்த வெளிச்சம் இருளிலே பிரகாசிக்கிறது, ஆனால் இருள் அதை ஒருபோதும் மேற்கொள்ளவில்லை.( யோவான் 1:4-5 )
5கிறிஸ்துவிடமிருந்து நாங்கள் பெற்றுக்கொண்ட செய்தி இதுவே, அதையே உங்களுக்கு அறிவிக்கிறோம்: இறைவன் ஒளியாக இருக்கிறார்; அவரில் எவ்வித இருளும் இல்லை.( 1 யோவான் 1:5 )
4இறைவனின் ஆவியானவரே என்னைப் படைத்தார்;எல்லாம் வல்லவரின் சுவாசமே எனக்கு உயிரைத் தருகிறது.( யோபு 33:4 )
16இவ்வாறு இறைவன் நம்மேல் வைத்திருக்கும் அன்பை, நாம் அறிந்தும் இருக்கிறோம். அதை நாம் நம்பியும் இருக்கிறோம்.இறைவன் அன்பாகவே இருக்கிறார். அன்பில் வாழ்கிறவன், இறைவனில் வாழ்கிறான், இறைவனும் அவனில் வாழ்கிறார்.( 1 யோவான் 4:16 )
நாம் எப்படித் தேவனோடு மீண்டும் இணைந்து நித்திய ஜீவனைப் பெறலாம்?
தேவன் பரலோகத்தில் இருக்கிறார், நாம் பூமியில் இருக்கிறோம் என்றால், தேவனை அடைந்து அவரோடு மீண்டும் இணைய நாம் என்ன செய்ய முடியும்?
13பரலோகத்திலிருந்து வந்த மானிடமகனாகிய என்னைத்தவிர, ஒருவரும் ஒருபோதும் பரலோகத்திற்குள் சென்றதில்லை.( யோவான் 3:13 )
31“மேலே இருந்து வருகிறவர் எல்லோருக்கும் மேலானவராகவே இருக்கிறார்; கீழே பூமியிலிருந்து வருகிறவனோ பூமிக்கே சொந்தமாயிருக்கிறான். அவன் பூமிக்குரிய காரியங்களைப் பேசுகிறான். பரலோகத்திலிருந்து வருகிறவரோ எல்லோரிலும் மேன்மையானவராகவே இருக்கிறார். 32அவர் தாம் கண்டதையும் கேட்டதையும் குறித்து சாட்சி கூறுகிறார். ஆனால் அவருடைய சாட்சியையோ ஒருவரும் ஏற்றுக்கொள்ளுகிறதில்லை.34இறைவனால் அனுப்பப்பட்டவரோ இறைவனுடைய வார்த்தைகளைப் பேசுகிறார். ஏனெனில், இறைவன் அவருக்கு ஆவியானவரை அளவின்றிக் கொடுத்திருக்கிறார்.( யோவான் 3:31-32,34 )
இயேசு கிறிஸ்து பரலோகத்திலிருந்து இறங்கி வந்தார்; இரட்சிப்பைக் குறித்து அவர் என்ன சொல்கிறார்?
16இறைவன் தமது ஒரே மகனை ஒப்புக்கொடுத்து அவரில் விசுவாசிக்கிற ஒருவரும் அழிந்து போகாமல் நித்திய ஜீவனைப் பெறும்படி இவ்வளவாய் உலகத்தினரை அன்புகூர்ந்தார். 17உலகத்தைக் குற்றவாளி என்று தீர்ப்பதற்காக இறைவன் தமது மகனை அனுப்பாமல், தமது மகனின் மூலமாய் உலகத்தவர்களை இரட்சிப்பதற்காகவே அனுப்பினார்.( யோவான் 3:16-17 )
அப்படியானால், நித்திய ஜீவனைப் பெற நாம் தேவகுமாரனை விசுவாசித்தால் மட்டும் போதுமா? நாம் பாவம் செய்திருந்தாலும்கூடவா? நாம் எப்படி நியாயந்தீர்க்கப்படுவோம்?
18இறைவனுடைய மகனில் விசுவாசிக்கிற யாவருக்கும் நியாயத்தீர்ப்பு இல்லை. ஆனால் அவரை விசுவாசிக்காதவருக்கோ ஏற்கெனவே நியாயத்தீர்ப்பு வழங்கப்பட்டு விட்டது. ஏனெனில் அவர்கள் இறைவனுடைய ஒரே மகனின் பெயரில் விசுவாசம் வைக்கவில்லை.( யோவான் 3:18 )
24“மெய்யாகவே மெய்யாகவே நான் உங்களுக்குச் சொல்கிறேன், என்னுடைய வார்த்தையைக் கேட்டு, என்னை அனுப்பினவரை விசுவாசிக்கிறவர்கள் யாரோ, அவர்கள் நித்திய ஜீவனைப் பெற்றுவிட்டார்கள். அவர்களுக்கு நியாயத்தீர்ப்பு கொடுக்கப்படுவதில்லை; அவர்கள் மரணத்தைக் கடந்துசென்று ஜீவனுக்கு உட்பட்டிருக்கிறார்கள்.( யோவான் 5:24 )
நம்முடைய பிதாவாகிய தேவனோடு மீண்டும் இணைய வேறு ஏதேனும் வழிகள் உண்டா?
6அதற்கு இயேசு, “வழியும், சத்தியமும், ஜீவனும் நானே. என் மூலமாய் அன்றி ஒருவனும் பிதாவினிடத்தில் வரமுடியாது.( யோவான் 14:6 )
தேவனையும் இயேசு கிறிஸ்துவையும் விசுவாசிப்பது என்றால் என்ன?
இயேசு கிறிஸ்துவை விசுவாசிக்க, அவருடைய பெயரை மட்டுமல்ல, அவரைப் பற்றி அதிகமாக நீங்கள் அறிந்திருக்க வேண்டும். முழு வேதாகமத்தையும் வாசிப்பது நல்லது; ஏனெனில் முழுக் கதையையும் அறியாமல் தெளிவான சித்திரத்தைப் பெறுவது சாத்தியமில்லை. பழைய ஏற்பாட்டில் மேசியாவைப் பற்றியும், இஸ்ரவேல், யூதேயா மற்றும் உலகின் மற்றப் பகுதிகளில் அவருடைய பங்கைப் பற்றியும் நீங்கள் வாசிக்க வேண்டும். பின்பு புதிய ஏற்பாட்டில் இயேசுவின் வரலாற்றை வாசித்து, அவரே மேசியா, அபிஷேகம் பண்ணப்பட்டவர் என்று நீங்கள் விசுவாசிக்கிறீர்களா என்பதை நீங்களே தீர்மானியுங்கள். தொடங்குவதற்கு உதவியாகச் சில வசனங்கள் இதோ.
இயேசு கிறிஸ்துவுக்கும் தேவனுக்கும் இடையிலான உறவு என்ன?
15கண்ணுக்குத் தெரியாத இறைவனின் சாயலாய் இருப்பவர் கிறிஸ்துவே. எல்லாப் படைப்புகளுக்கும் மேலான முதற்பேறானவர் இவரே.19இறைவன் தம்முடைய எல்லா முழுநிறைவையும் கிறிஸ்துவில் குடியிருக்கச் செய்ய விரும்பினார்.( கொலோசேயர் 1:15,19 )
4இவ்வுலகின் தேவன் அவிசுவாசிகளாகிய அவர்களின் மனங்களைக் குருடாக்கியிருக்கிறான். அதனாலேயே இறைவனின் சாயலாய் விளங்கும் கிறிஸ்துவின் மகிமை பொருந்திய நற்செய்தியின் ஒளியை, அவர்களால் காண முடியாதிருக்கிறது.( 2 கொரிந்தியர் 4:4 )
அதைப் பற்றி இயேசு கிறிஸ்து தாமே என்ன சொல்கிறார்?
9அப்பொழுது இயேசு அவனிடம் சொன்னதாவது: “பிலிப்புவே, நான் இவ்வளவு காலம் உங்களோடிருந்தும், நீ இன்னும் என்னை அறிந்துக்கொள்ளவில்லையா? என்னைக் கண்டிருக்கிறவன் பிதாவைக் கண்டிருக்கிறான். அப்படியிருக்க, ‘பிதாவை எங்களுக்குக் காண்பியும்’ என்று நீ எப்படிச் சொல்லலாம்?( யோவான் 14:9 )
45அவர்கள் என்னை நோக்கிப் பார்க்கும்போது, என்னை அனுப்பியவரை அவர்கள் காண்கிறார்கள்.( யோவான் 12:45 )
இயேசுவைப் பற்றி இன்னும் சில வசனங்கள்…
3இறைவனுடைய மகனே அவருடைய மகிமையின் ஒளியாயும், அவருடைய தன்மையின் ரூபமாயும் இருக்கிறார். இந்த கிறிஸ்துவே தம்முடைய வல்லமையான வார்த்தையினாலே எல்லாவற்றையும் தாங்குகிறார். இவர் பாவங்களுக்கான சுத்திகரிப்பை ஏற்படுத்தி முடித்தபின்பு, பரலோகத்தில் உன்னதமான இறைவனுடைய வலதுபக்கத்தில்1:3 அதிகாரத்தின் இடம் உட்கார்ந்திருக்கிறார்.( எபிரெயர் 1:3 )
14வார்த்தையானவரே மனித உடல் எடுத்து நம்மிடையே வாழ்ந்தார். நாங்கள் அவருடைய மகிமையைக் கண்டோம். பிதாவின் ஒரே மகனுக்குரிய அந்த மகிமையைக் கண்டோம். அந்த வார்த்தையானவர் கிருபையும் சத்தியமும் நிறைந்தவராய் பிதாவிடமிருந்து வந்தவர்.( யோவான் 1:14 )
முடிவுரை
இப்போது இரட்சிப்பைப் பற்றி நீங்கள் அதிகம் அறிந்திருக்கிறீர்கள். ஆனாலும் நீங்கள் இரட்சிக்கப்பட்டிருக்கிறீர்களா என்று இன்னும் கவலைப்பட்டால், பின்வருவதை நீங்கள் அறிந்துகொள்ள வேண்டும்.
25தம் உயிரைக் காத்துக்கொள்கிறவர்கள் அதை இழந்துபோவார்கள். ஆனால் தமது உயிரை எனக்காக இழக்கிறவர்கள் அதைக் காத்துக்கொள்வார்கள்.( மத்தேயு 16:25 )
இப்போது, இரட்சிக்கப்படுவதைக் குறித்துக் கவலைப்படுவதற்குப் பதிலாக, சுவிசேஷத்தை, அதாவது குமாரனாகிய இயேசு கிறிஸ்துவின் மூலம் வெளிப்பட்ட தேவனுடைய உண்மையான சாயலைப் புரிந்துகொள்வதில் கவனம் செலுத்துங்கள். அவரைப் பின்பற்றுங்கள். மற்றவற்றை இயேசு பார்த்துக்கொள்வார்.
33எனவே முதலாவதாக இறைவனுடைய அரசையும் அவரது நீதியையும் தேடுங்கள், அப்பொழுது இவைகளெல்லாம் உங்களுக்கு அவற்றோடுகூடக் கொடுக்கப்படும்.( மத்தேயு 6:33 )
பதிப்புரிமை © 2005, 2022 Biblica, Inc.
இஅனுமதியுடன் பயன்படுத்தப்படுகிறது.
உலகளாவிய முழு பதிப்புரிமை பாதுகாக்கப்பட்டவை.
Holy Bible, Indian Tamil Contemporary Version™
Copyright © 2005, 2022 by Biblica, Inc.
Used with permission.