“ཁྱེད་ཚོའི་དགྲ་བོ་ལ་བྱམས་པ་གྱིས།” ཞེས་པའི་དོན་ཅི་ཡིན།

ང་ཚོས་རང་གི་ཁྱིམ་མཚེས་དང་། ནང་མི། གྲོགས་པོ་རྣམས་ལ་བྱམས་པ་བྱེད་ཐུབ། འོན་ཀྱང་རང་གི་དགྲ་བོ་ལ་བྱམས་པ་བྱེད་པའི་དོན་ཅི་ཡིན། ང་ཚོས་དངོས་གནས་དེ་ལྟར་བྱེད་དགོས་སམ།

འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཅག་ནི་ནམ་མཁའི་ཞིང་ཁམས་སུ་བཞུགས་པའི་ཡབ་ཀྱི་བུ་བུ་མོ་ཡིན་པའི༌ཕྱིར། ཁྱོད་ཅག་གིས་རང་གི་དགྲ་བོ་རྣམས་ལའང་བྱམས་ཤིང་བརྩེ་བར་གྱིས༌དང༌། རང་ལ་གནོད་པ་བྱེད་མཁན་རྣམས་ཀྱི་དོན་དུ་སྨོན་ལམ་ཐོབས༌ཤིག ཅིའི་ཕྱིར་ཞེ༌ན། དཀོན་མཆོག་གིས་མི་སེམས་བཟང་སེམས་ངན་གཉིས་ལ་རང་ཉིད་ཀྱི་ཉི་མ་འཆར་དུ་འཇུག༌ཅིང༌། མི་གཞུང་དྲང་ཡིན་མིན་ཐམས་ཅད་ལ་ཆར་བ་འབབ་པར་མཛད༌དོ།།

( མད༌ཐཱ། 5:44 )

དེ་ནི་ལྟ་གྲུབ་ཀྱི་ཐད་ནས་ཀྱང་སླ་པོ་ལྟར་མི་སྣང་ལ། ལག་ལེན་ཐད་ནས་ནི་ཧ་ཅང་མི་སྲིད་པ་ལྟར་སྣང་། དེ་ནི་དངོས་གནས་དགོས་མཁོ་ཡོད་དམ།…

ཡེ་ཤུས་དེ་ཇི་ལྟར་འགྲེལ་བཤད་གནང་བ་ལ་ལྟ།

འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཅག་ནི་ནམ་མཁའི་ཞིང་ཁམས་སུ་བཞུགས་པའི་ཡབ་ཀྱི་བུ་བུ་མོ་ཡིན་པའི༌ཕྱིར། ཁྱོད་ཅག་གིས་རང་གི་དགྲ་བོ་རྣམས་ལའང་བྱམས་ཤིང་བརྩེ་བར་གྱིས༌དང༌། རང་ལ་གནོད་པ་བྱེད་མཁན་རྣམས་ཀྱི་དོན་དུ་སྨོན་ལམ་ཐོབས༌ཤིག ཅིའི་ཕྱིར་ཞེ༌ན། དཀོན་མཆོག་གིས་མི་སེམས་བཟང་སེམས་ངན་གཉིས་ལ་རང་ཉིད་ཀྱི་ཉི་མ་འཆར་དུ་འཇུག༌ཅིང༌། མི་གཞུང་དྲང་ཡིན་མིན་ཐམས་ཅད་ལ་ཆར་བ་འབབ་པར་མཛད༌དོ།། གལ་ཏེ་ཁྱོད་ཅག་གིས་རང་ལ་བྱམས་མཁན་རྣམས་ལ་བྱམས་པར་བྱེད༌ན། ཁྱོད་ཅག་ལ་བྱ་དགའ་ཅི་ལ༌ཐོབ། ཁྲལ་ལེན་མཁན་རྣམས་ཀྱིས་ཀྱང་དེ་ལྟར་བྱེད་པ་མ་ཡིན༌ནམ། ཡང་ཁྱོད་ཅག་གིས་རང་གི་སྤུན་ཟླ་ཁོ་ནར་འཚམས་འདྲི་ཞུ༌ན། ཁྱོད་ཅག་ལ་མི་གཞན་ལས་ཁྱད་དུ་འཕགས་པ་ཅི་ཡོད༌དམ། ཕྱི་ཕྱོགས་པ་རྣམས་ཀྱིས་ཀྱང་དེ་ལྟར་བྱེད་པ་མ་ཡིན༌ནམ། དེའི༌ཕྱིར། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ནི་ཕུལ་དུ་བྱུང་བ་ཡིན་པ༌ལྟར། ཁྱོད་རྣམས་ཀྱང་ཕུལ་དུ་བྱུང་བར་གྱུར་ཅིག་ཅེས་གསུངས༌སོ།།

( མད༌ཐཱ། 5:44-48 )

དངོས་གནས། ང་ཚོས་མཐའ་སྐོར་ལ་བལྟས་ན། མི་ཚང་མས་ཉི་འོད་དང་ཆར་པ། དབུགས་རྔུབ་རྒྱུའི་རླུང་གཙང་མ་ཐོབ་པ་མཐོང་། ང་ཚོ་དང་ང་ཚོའི་དགྲ་བོ་གཉིས་ཀ་ས་ཁུལ་གྱི་ཡུལ་ལྗོངས་ངོ་མཚར་ཅན་དང་སྲོག་ཆགས་གཟི་བརྗིད་ཅན་ལྡན་པའི་འཇིག་རྟེན་ཡ་མཚན་ཅན་འདིའི་ནང་བཞག་ཡོད།…

ཟབ་ཏུ་བལྟས་ན། ང་ཚོ་དང་འདྲ་བར་ང་ཚོའི་དགྲ་བོ་ལ་ཡང་ཨ་མ་དང་ཨ་ཕ་ཡོད་པ་མཐོང་། ཁོ་ཚོས་དེ་གཉིས་ངོ་ཤེས་ཀྱང་རུང་མ་ཤེས་ཀྱང་རུང་། དེ་མིན་ཁོ་ཚོའི་ཕ་མས་ཀྱང་ང་ཚོའི་ཕ་མས་ང་ཚོར་བྱམས་པ་ལྟར་ཁོ་ཚོར་བྱམས་པ་བྱས་སྲིད།

འདི་ནི་ཨ་ཐར་ཀོ་ནན་ཌོ་ཡལ་གྱིས་བྲིས་པའི་ཤེར་ལོག་ཧོལམས་ཀྱི་དེབ་ཅིག་ནས་དྲངས་པ་ཞིག་ཡིན། དེའི་ནང་སྲིང་མོ་ཞིག་གིས་བསད་པའི་རང་གི་སྤུན་ལ་མྱ་ངན་བྱེད་ཀྱི་ཡོད། ཁོ་ནི་རྒྱལ་ཁབ་ནང་གི་ཉེན་ཁ་ཆེ་ཤོས་ཀྱི་ཉེས་ཅན་ཞིག་ཡིན་པ་རེད།...

“འཇིག་རྟེན་ཡོངས་ཀྱི་མིག་ལ་ཁོ་ནི་དྲག་གནོན་གྱི་མི། ཕྱེད་ཀ་དུད་འགྲོ་དང་ཕྱེད་ཀ་འདྲེ་ཡིན། འོན་ཀྱང་མོ་ལ་ཁོ་ནི་རྟག་ཏུ་མོ་རང་གི་བུ་མོའི་དུས་ཀྱི་བུ་ཆུང་རང་འདོད་ཅན་དེ། མོའི་ལག་པར་འཇུས་པའི་བྱིས་པ་དེ་ཉིད་ཡིན།”

ང་ཚོའི་དགྲ་བོ་ནི་ང་ཚོས་དངོས་གནས་བྱམས་པ་བྱེད་པའི་མི་ཞིག་ཡིན་སྲིད་དམ།

ང་ཚོས་ད་ལྟ་དགྲ་བོ་ཟེར་བའི་མི་དེར་ང་ཚོའི་གནམ་གྱི་ཡབ་ཀྱིས་ཇི་ལྟར་སྲོག་གསར་པ་བཏང་བ་དང་། ཁོ་ཨ་མའི་མངལ་དུ་ཡོད་སྐབས་ཁོར་གཅེས་སྐྱོང་གནང་བ། དེ་ནས་ཁོ་སྐྱེས་སུ་བཅུག་སྟེ། ལོ་དེ་དག་གི་རིང་ལ་ཁོར་གོས་དང་བཟའ་རྒྱུའི་ཟས། འཐུང་རྒྱུའི་ཆུ་སྦྱིན་པ་བསམ་དང་།… ད་ལྟ་ཁོང་གིས་རང་གི་བུ་བོར་བ་དེ་ཕྱིར་རྙེད་པ་དང་། ཁོ་ཡང་བསྐྱར་འཛུམ་པ་དང་། ཁོས་རང་གི་གནམ་གྱི་ཡབ་ལ་“ཨ་ཕ།...”ཞེས་ཡང་བསྐྱར་འབོད་པར་རེ་སྒུག་བྱེད་བཞིན་ཡོད། དཀོན་མཆོག་གིས་ང་ཚོར་བྱམས་པ་ལྟར་ཁོ་ལ་ཡང་བྱམས་པ་མཛད།

ད་བིད་ཀྱིས་རང་གི་དགྲ་བོ་སཱ་ཨུལ་གྱི་སྲོག་ཇི་ལྟར་བསྐྱབས་པ་དྲན་པར་བྱ། སཱ་ཨུལ་གྱིས་ད་བིད་རྟག་ཏུ་དེད་ནས་གསོད་རྒྱུའི་འབད་པ་བྱས་ཡོད།

ལམ་དུ་ཡོད་པའི་ལུག་རར་སླེབས་ཏེ། བྲག་ཕུག་ཅིག་ཡོད་སར་སོ་ལོ་བཙོག་པ་གཏོང་བའི་ཕྱིར་དེའི་ནང་ཕྱིན་པར་དཱ་བིད་སོགས་བྲག་ཕུག་དེའི་སྦུག་ཏུ་བསྡད་ཡོད་པ་རེད། དེ་ནས་དཱ་བིད་ཀྱི་མི་རྣམས་ཀྱིས་ཁོ་ལ། ལྟོས་དང་། དཀོན་མཆོག་ཡ་ཝཱེས་ཁྱོད་ཀྱི་དགྲ་བོ་ཁྱོད་ཀྱི་ལག་ཏུ་སྤྲོད་ཅིང་། ཁྱོད་ཀྱིས་དེ་ལ་ཅི་འདོད་བཞིན་བྱས་ཆོག་ཅེས་གསུངས་པ་དང་། ད་ནི་ཉིན་དེ་སླེབས་བྱུང་ཞེས་སྨྲས་པ་ལ། དཱ་བིད་ལངས་ཏེ་གསང་བའི་སྒོ་ནས་སོ་ལོའི་གོས་ཀྱི་ཐུ་བ་བཅད། ཡང་དེའི་རྗེས་སུ་ལས་དེ་བྱས་པར་དཱ་བིད་ཀྱི་སེམས་ནས་རང་ལ་སྨད་དོ། ། དེ་ནས་དཱ་བིད་ཀྱིས་རང་གི་མི་རྣམས་ལ། ངའི་རྗེ་བོ་ནི་དཀོན་མཆོག་ཡ་ཝཱེས་བྱུགས་པ་དེ་ལགས་པས། ངས་ཁོང་གི་ཕྱོགས་སུ་ལག་པ་བརྐྱངས་ནས་ཁོང་ལ་རྒོལ་བར་གཏན་ནས་མི་བྱའོ་ཞེས་སྨྲས་པ་དང་།

( སཱ་མུ་ཨེལ་དང་པོ། 24:3-6 )

དེའི་སྐོར་ལ་ད་བིད་ཀྱིས་སཱ་ཨུལ་ལ་སྨྲས་པའི་ཚིག་ནི་འདི་ཡིན།

དཀོན་མཆོག་ཡ་ཝཱེས་ཁྱེད་དང་ངེད་གཉིས་ཀྱི་བར་ལ་ཤན་འབྱེད་པར་མཛོད་ཅིག དཀོན་མཆོག་ཡ་ཝཱེས་ཁྱེད་ཀྱི་མདུན་ནས་ང་ལ་དཀར་འདོན་པར་མཛོད་ཅིག ངའི་ལག་པས་གཏན་ནས་ཁྱེད་ལ་གནག་མི་སྲིད། སྔ་མ་རྣམས་ཀྱི་གཏམ་དཔེར། ངན་པ་ལས་ངན་པ་འབྱུང་ཟེར་ཡང་ངའི་ལག་པས་ཁྱེད་ལ་གནག་མི་སྲིད།

( སཱ་མུ་ཨེལ་དང་པོ། 24:12-13 )

དགྲ་བོ་ལ་ཇི་ལྟར་བྱམས་པ་བྱེད་པའི་དཔེ་གཞན་ཞིག་ནི་ཡེ་ཤུ་ཉིད་ཡིན། ཁོང་ལ་བརྙས་བཅོས་བྱས་ནས་ཁྲུས་ཤིང་ལ་བཀྱེལ་བའི་མི་རྣམས་སྐོར་ཡེ་ཤུས་ཅི་གསུངས་པ་ལ་ལྟ།

དུས༌དེར། སྐྱབས་མགོན་ཡེ་ཤུས་འདི་སྐད༌དུ། ཀྱེ། ཡབ་ལགས། ཁོ་རྣམས་ཀྱིས་རང་གིས་ཅི་བྱེད་བཞིན་པའང་མི་ཤེས་པས་ཉེས་སྐྱོན་བསལ་བར་མཛོད་ཅེས་གསུངས་སོ༎ དེ་ནས་དམག་མི་རྣམས་ཀྱིས་རྒྱན་འཕངས་ནས་ཁོང་གི་ན་བཟའ་བགོ་བཤའ་བརྒྱབ།

( ལོ་ཀུ 23:34 )

འདི་དག་ནི་སི་ཏེ་ཕན་ལ་རྡོ་བརྒྱབ་རྗེས་ཁོང་འདས་ཁར་གསུངས་པའི་ཚིག་ཡིན།

དེ་ནས་མི་རྣམས་ཀྱིས་གཏམ་དེ་དག་ཐོས་པ་དང་ཤིན་ཏུ་ཁྲོས་ཏེ་སི་ཏེ་ཕཱན་གྱི་ཐོག་ཨམ་གཙིགས་བསྡམས༌པ་རེད། འོན༌ཀྱང༌། སི་ཏེ་ཕཱན་ལ་དམ་པའི་ཐུགས་ཉིད་ཀྱིས་ཁྱབ༌ཅིང༌། ཁོང་གིས་ནམ་མཁའི་ཞིང་ཁམས་ལ་ཅེ་རེར་བལྟས་པ༌ན། དཀོན་མཆོག་གི་གཟི་བརྗིད་མཐོང་ཞིང་སྐྱབས་མགོན་ཡེ་ཤུའང་དཀོན་མཆོག་གི་གཡས་ཕྱོགས་སུ་བཞེངས་འདུག་པ་མཐོང༌བས། ཁོ་ན༌རེ། ལྟོས་དང་། ནམ་མཁའི་ཞིང་ཁམས་ཀྱི་སྒོ་ཕྱེས་ཡོད༌ཅིང༌། མིའི་བུ་དཀོན་མཆོག་གི་གཡས་ཕྱོགས་སུ་བཞེངས་འདུག་པའང་བདག་གིས་མཐོང་ཞེས་གསུངས་པ༌ལ། མི་དེ་རྣམས་ཀྱིས་གཏམ་དེར་ཉན་འདོད་མེད་པར་སྐད་ཆེན་པོས་འུར་བརྒྱབ༌ཅིང༌། ལག་པས་རྣ་བ་བཀབ་པ་དང་མཉམ་དུ་སི་ཏེ་ཕཱན་གྱི་མདུན་དུ་བརྒྱུགས༌ཏེ། ཁོང་ཉིད་གྲོང་ཁྱེར་ཕྱི་རོལ་ཏུ་བསྐྲད་ནས་རྡོ་རུབ་བཏང་བ༌དང༌། དཔང་པོ་བྱེད་མཁན་རྣམས་ཀྱིས་ཀྱང་རང་གི་ཕྱི་གོས་ཕུད་དེ་སོ་ལོ་ཞེས་པའི་ན་གཞོན་ཞིག་གི་མདུན་དུ་བཞག་གོ། དེ་རྣམས་ཀྱིས་སི་ཏེ་ཕཱན་རྡོ་རུབ་གཏོང་བཞིན་པའི་དུས༌སུ། སི་ཏེ་ཕཱན་གྱིས། ཀྱེ། གཙོ་བོ་ཡེ་ཤུ༌ལགས། བདག་གི་རྣམ་ཤེས་ཁུར་དུ་བཞེས་པར་མཛོད་ཅེས་གསོལ་བ་བཏབ་པ༌དང༌། ཡང་པུས་མོ་སར་བཙུགས་ཏེ་སྐད་ཆེན༌པོས། ཀྱེ། གཙོ་བོ་ལགས། ཉེས་པ་འདི་ཁོ་རྣམས་ལ་མི་འགེལ་བར་མཛོད་ཅེས་གསུངས་པ་དང་གཟིམས༌སོ།།

( མཛད་འཕྲིན། 7:54-60 )

དེ་འདྲའི་གཏམ་རྒྱུད་ཀློག་སྐབས། ང་ཚོས་རང་ཉིད་ཡ་ཧུ་དཱའི་འགོ་ཁྲིད་རྣམས་དང་འབྲེལ་བ་མི་བྱེད། འོན་ཀྱང་ང་ཚོའི་ཉེས་པ་མངོན་པར་བྱེད་ཅིང་ང་ཚོར་སྐྱོན་འཛུགས་མཁན་དཀོན་མཆོག་གི་ཕོ་ཉ་སྐྱོན་མེད་ཅིག་གསོད་མཁན་དེ་ངོ་མ་ང་ཚོ་ཡིན་ན་ཇི་ལྟར་འགྱུར།… ང་ཚོ་སྡིག་མེད་མིན་ལ། ང་ཚོར་ངོ་རྒོལ་བྱས་པའི་སྐད་དེ་རྒྱུ་མཚན་མེད་པར་ལངས་པ་མིན།

ཡ་ཧུ་དཱའི་འགོ་ཁྲིད་རྣམས་ཀྱིས་སི་ཏེ་ཕན་ལ་རྡོ་བརྒྱབ་པ་ཀློག་སྐབས་ཁྱེད་ཀྱིས་ཁོ་ཚོར་ཚོར་བ་ཅི་ཞིག་སྐྱེས། ཁོང་ཁྲོ་དང་ཁྲོ་གཏུམ་སྐྱེས་སམ།… ཁོ་ཚོས་ཡང་དག་པར་གནས་པ་དང་ཁྲིམས་ལ་བརྟེན་པའི་འབད་པ་བྱེད་བཞིན་ཡོད་པ་དང་། ཁོ་ཚོས་ནོར་བའི་དོན་དག་མངོན་དུ་ཕྱུང་བར་ཞེ་སྡང་བྱས་པས། ཁོ་ཚོར་ཐུགས་རྗེའི་ཚོར་བ་སྐྱེ་ན་ཇི་ལྟར་ཡིན། ཐད་མང་པོ་ནས་ང་ཚོ་ཁོ་ཚོ་དང་འདྲ་ལ། ཁོ་ཚོ་ཡང་ང་ཚོ་དང་འདྲ། ཁོ་ཚོའི་ནོར་འཁྲུལ་ཡོད་ཀྱང་ཁོ་ཚོར་བྱམས་པ་བྱེད། དཀོན་མཆོག་གིས་ང་ཚོའི་དགྲ་བོ་ལ་བྱམས་པ་མཛད་པ་ལྟར་ང་ཚོས་ཀྱང་ཁོ་ཚོར་བྱམས་པ་བྱེད་པར་འབད།

བྱམས་པ་ནི་རྟག་བརྟན་གྱི་བཟོད་བསྲན༌དང༌། སྙིང་རྗེ་ལྡན༌པ། ཕྲག་དོག་མེད༌པ། རང་བསྟོད་མི་བྱེད༌པ། ང་རྒྱལ་མེད༌པ། ངོ་གནོང་བའི་ལས་མི་བྱེད༌པ། རང་དོན་མི་སེམས༌པ། རང་དགར་མི་ཁྲོ༌བ། གཞན་གྱི་ཉེས་སྐྱོན་སེམས་སུ་མི་འཛིན༌པ། དྲང་བདེན་མིན་པར་མི་དགའ་ཞིང་བདེན་པ་ཁོ་ནར་དགའ༌བ། དོན་ཀུན་ལ་ཐུགས་རྒྱ་ཡངས༌པ། དོན་ཀུན་ལ་ཡིད་ཆེས༌པ། དོན་ཀུན་ལ་རེ་སྒུག་བྱེད༌པ། དོན་ཀུན་ལ་བཟོད་བསྲན་བྱེད་པ་ཞིག་ཡིན༌ནོ།།

( ཀོ་རིན་ཐུ་པ་དང་པོ། 13:4-7 )