Ці Ісус — Месія?

Мы часта чуем пра Ісуса і пра тое, што Ён збавіў нас, памёршы за нас на крыжы. І кожны, хто верыць у Яго, мае жыццё вечнае.

Выратаваць наша жыццё — вось роля чаканага Месіі… Але ці Ісус сапраўдны Месія, ці нам трэба чакаць кагосьці іншага?

Большую частку звестак пра Выбранага, Таго, Хто выратуе ўсіх нас, мы атрымліваем з кнігі прарока Ісаі, які жыў і прарочыў каля VIII стагоддзя да н. э. Гэта было прыкладна за 700 гадоў да нараджэння Ісуса.

1І пойдзе пасынак ад кораня Есэевага, і галіна вырасьце ад кораня ягонага;

2і спачне на Ім Дух Гасподні, дух мудрасьці і розуму, дух рады і моцы, дух пазнаньня і пабожнасьці;

3і ўпадабаньне Ягонае тым, у кім страх Божы, і будзе судзіць не з пагляду вачэй Сваіх і не са слыху вушэй Сваіх вырашаць справы.

4Ён будзе судзіць бедных па праўдзе, і дзеі пакутнікаў зямлі рашаць паводле ісьціны; і жазлом вуснаў Сваіх заб'е бязбожніка.

5І будзе апаясаньнем сьцёгнаў Яго - праўда, і апаясаньнем паясьніцы Яго - ісьціна.

( ІСАІ 11:1-5 )

Мы чакаем, што Месія будзе нашчадкам цара Давіда…

1Вось, Юнак мой, Якога Я трымаю за руку, выбраны Мой, Якому спрыяе душа Мая. Пакладу дух Мой на Яго, і абвесьціць народам суд;

2не залямантуе і ня ўзвысіць голасу Свайго, і ня дасьць пачуць яго на вуліцах;

3трысьціны надламанай ня зломіць, і лёну, які тлее, не атушыць; суд чыніцьме паводле ісьціны;

4не аслабне і не зьняможацца, пакуль на зямлі не ўсталюе суду, і на закон Яго будуць класьці надзею выспы.

5Так кажа Гасподзь Бог, Які стварыў нябёсы і прастору іх, распрасьцёр зямлю з утворамі яе, дае дыханьне народу на ёй і дух тым, што ходзяць па ёй.

6Я, Гасподзь, паклікаў Цябе ў праўду, і буду трымаць Цябе за руку і ахоўваць Цябе, і пастаўлю цябе запаветам народу, сьвятлом язычнікам,

7каб разамкнуць вочы сьляпым, каб вязьняў вывесьці зь вязьніцы і тых, што сядзяць у цемры, - зь цямніцы.

( ІСАІ 42:1-7 )

Тут мы бачым, што «Слуга» будзе пакорлівым, не будзе павышаць голасу на вуліцах, адкрые вочы сляпым…

Што яшчэ Ісая кажа пра Яго ў сваёй кнізе? Як іншыя людзі будуць ставіцца да Месіі? Што з Ім сталася і што гэта значыць для нас? Каб адказаць на гэта, Ісая пераносіцца ў будучыню і звяртаецца непасрэдна да нас — пра Месію, Якога мы ўжо адкінулі.

1Госпадзе! хто паверыў чутаму ад нас, і каму адкрылася сіла Гасподняя?

2Бо ён узышоў перад Ім, як атожылак і як росьцік з сухой зямлі; няма ў Ім ні выгляду, ні велічы; і мы бачылі Яго, і ня было ў Ім выгляду, які вабіў бы нас да Яго.

3Ён быў пагарджаны і прыніжаны перад людзьмі, Муж скрухі і дасьведчаны ў хваробах, і мы адварочвалі ад Яго твар свой; Ён быў пагарджаны, і мы ані ў што ня ставілі Яго.

4Але Ён узяў на Сябе нашыя немачы і забраў нашыя хваробы; а мы думалі, што Ён быў паранены, пакараны і зьнішчаны Богам.

5Але Ён паранены быў за грахі нашыя і пакутаваў за беззаконьні нашыя; кара міру нашага была на Ім, і ранамі Яго мы ацаліліся.

6Усе мы блукалі, як авечкі, зьвярнулі кожны на сваю дарогу, - і Гасподзь усклаў на Яго грахі ўсіх нас.

7Ён катаваны быў, але цярпеў з добрай волі і не размыкаў вуснаў Сваіх; як авечку, вялі Яго на закол, і як ягня перад стрыгалём ягоным, маўчыць, так Ён не размыкаў вуснаў Сваіх.

8Зь вязьніцы і суду Ён быў узяты; але род Ягоны хто высьветліць? бо Ён адарваны ад зямлі жывых; за злачынствы народу Майго перацерпеў сьмерць.

9Яму выраклі магілу са зладзеямі, але Ён пахаваны ў багатага, бо ня ўчыніў грэху, і ня было маны ў вуснах Ягоных.

10Але Госпаду заўгодна было ўтрапіць Яго цярпеньнямі, і Ён аддаў Яго на пакуты; калі ж душа Яго прынясе ахвяру ўмілажаленьня, Ён убачыць нашчадства даўгавечнае, і воля Гасподняя пасьпяхова будзе зьдзяйсьняцца рукою Ягонай.

11На подзьвіг душы Сваёй Ён будзе глядзець з прыемнасьцю; праз спазнаньне Яго Ён, Праведнік, Раб Мой, апраўдае многіх і грахі іх на Сабе панясе.

12Пасьля гэтага Я дам Яму долю паміж вялікімі, і з моцнымі будзе дзяліць здабычу, за тое, што аддаў душу Сваю на сьмерць, і да зладзеяў залічаны быў, тады як Ён панёс на Сабе грахі многіх і за злачынцаў зрабіўся хадайнікам.

( ІСАІ 53:1-12 )

Мы бачым, што адкінуты і пагарджаны Месія памёр за нашы грахі, як ягня, вядзенае на закол. Ён памёр без нашчадкаў, і ўсё ж Ён «будзе доўга жыць» і «будзе мець шмат нашчадкаў». Верагодна, гэта азначае, што Месія ўваскрэсне пасля смерці — на зямлі ці на Небе — і будзе мець дзяцей, фізічных ці духоўных.

А цяпер, як практыкаванне для сябе і каб вырашыць, ці Ісус чаканы Месія, прачытайце сведчанні пра Ісуса Хрыста ад Мацвея, Марка і Яна, якія ў жыцці правялі значную частку часу побач з Ісусам, і ад лекара Лукі, які старанна сабраў факты пра жыццё Ісуса Хрыста Назарэя…