Jesosy ve no Mesia?

Matetika isika no mandre momba an’i Jesosy sy ny amin’ny namonjeny antsika tamin’ny nahafatesany teo amin’ny hazo fijaliana ho antsika. Ary izay rehetra mino Azy dia manana fiainana mandrakizay.

Mamonjy ny ainantsika – izany no anjara asan’ny Mesia andrasana… Saingy Jesosy ve no tena Mesia, sa tsy maintsy hiandry olon-kafa isika?

Ny ankamaroan’ny fampahalalana momba ilay voafidy, ilay hamonjy antsika rehetra, dia azontsika avy ao amin’ny bokin’ny mpaminany Isaia, izay niaina sy naminany teo amin’ny taonjato faha-8 talohan’i Kristy teo ho eo. Raha atao tombana, dia 700 taona talohan’ny nahaterahan’i Jesosy izany.

1Ary hisy Solofo mitsimoka eo amin'ny fototr'i Jese, ary hisy mitrebona avy eo amin'ny fakany; 2Ary ny fanahin'i Jehovah hitoetra ao aminy, dia ny Fanahin'ny fahendrena sy ny fahazavan-tsaina; Ny Fanahin'ny fanoloran-tsaina sy ny faherezana; Ny Fanahin'ny fahalalana sy ny fahatahorana an'i Jehovah; 3Ary ho hanitra ankasitrahana aminy ny fahatahorana an'i Jehovah, ka tsy hitsara araka ny hitan'ny masony izy, na hampiaiky araka ny ren'ny sofiny; 4Fa hotsarainy amin'ny fahamarinana ny malahelo; Ary homeny rariny ny mpandefitra amin'ny tany; hamely ny tany amin'ny tsorakazon'ny vavany Izy, ary ny fofonain'ny molony no hamonoany ny ratsy fanahy. 5Fahamarinana no ho fisikinany, ary fanahy mahatoky no ho fehin-kibony

( Isaia 11:1-5 )

Andrasantsika fa ho taranak’i Davida mpanjaka ny Mesia…

1Indro ny Mpanompoko, Izay tantanako, dia Ilay voafidiko sady sitraky ny foko Napetrako tao aminy ny Fanahiko; Hamoaka fitsipika ho an'ny jentilisa Izy. 2Tsy hiantsoantso Izy, na hanandratra ny feony, na hanao izay handrenesana ny feony eny an-dalana. 3Tsy hotapahiny ny volotara torotoro, ary tsy hovonoiny ny lahin-jiro manetona; Hamoaka izay tena rariny tokoa Izy. 4Tsy ho reraka na ho kivy Izy, Mandra-panoriny ny rariny amin'ny tany, ary ny nosy hiandry ny lalàny. 5Izao no lazain'i Jehovah Andriamanitra, Izay nahary ny lanitra sy nanenjana azy, Izay namelatra ny tany sy ny vokatra avy aminy, Izay manome fofonaina ny olona eo aminy sy fanahy ho an'izay mandeha eo aminy: 6Izaho Jehovah efa niantso Anao tamin'ny fahamarinana sy nitantana ny tananao, Ary hiaro Anao Aho ka hanome Anao ho fanekena ho an'ny olona, Ho fanazavana ny jentilisa, 7Hampahiratra ny mason'ny jamba, hamoaka ny mpifatotra hiala ao an-trano-maizina ary izay mipetraka ao amin'ny maizina hiala ao an-trano famatorana.

( Isaia 42:1-7 )

Hitantsika eto fa ho manetry tena ilay “mpanompo”, tsy hanandratra ny feony eo imason’ny besinimaro, hampahiratra ny mason’ny jamba…

Inona koa no lazain’i Isaia momba Azy ao amin’ny bokiny? Ahoana no hitondran’ny olona hafa ny Mesia? Inona no nanjo Azy ary inona no dikan’izany ho antsika? Mba hamaliana izany, dia mandroso haingana any amin’ny ho avy i Isaia ary miresaka mivantana amintsika, momba ilay Mesia efa nolavintsika.

1Iza no nino ny teny nampitondraina anay ? Ary iza no nampisehoana ny sandrin'i Jehovah? 2Fa naniry teo anatrehany tahaka ny zana-kazo madinika Izy sy tahaka ny solofon-kazo amin'ny tany karankaina; tsy nanana endrika na fahatsaran-tarehy Izy; Ary raha nijery Azy isika, dia tsy nisy hatsaran-tarehy haniriantsika Azy. 3Natao tsinontsinona sy nolavin'ny olona Izy; lehilahy ory sady zatra ny fahorianaHeb. lehilahy be fanaintainana sady fantatry ny faharariana, Ary tahaka izay tsy tian'ny olon-kojerena akory Izy; natao tsinontsinona Izy ka tsy mba nahoantsika. 4Nitondra ny aretintsika tokoa Izy sady nivesatra ny fahoriantsikaHeb. fanaintainantsika; kanjo isika kosa nanao azy ho nokapohina sy nasian'Andriamanitra ary nampahorina. 5Nefa Izy dia voalefona noho ny fahadisoantsika sy notorotoroina noho ny helotsika, ny fampijalianaHeb. famaizana nahazoantsika fihavanana no namelezana Azy; ary ny dian-kapoka taminy no nahasitranana antsika. 6Isika rehetra dia samy efa nania tahaka ny ondry, samy efa nivily ho amin'ny lalantsika avy isika rehetra; ary nataon'i Jehovah nihatra taminy avokoa ny helotsika rehetra. 7Nampahorina Izy, nefa nanetry tena ka tsy niloa-bava, dia tahaka ny zanak'ondry entina hovonoina, sy tahaka ny ondrivavy izay moana eo anatrehan'ny mpanety azy, eny, tsy niloa-bava Izy. 8Ny fampahoriana sy ny fitsarana no nenti-nanaisotra AzyNa: Nalaina niala tamin'ny fampahoriana sy ny fitsarana Izy; ary iza tamin'ny niara-belona taminy no nihevitraNa: Ary iza no nihevitra izay ho taranany? fa nofongorana niala tamin'ny tanin'ny velona Izy, ka ny fahadisoan'ny oloko no nikapohana Azy? 9Ary nokasaina hatao tao amin'ny olo-meloka ny fasany (Nefa teo amin'ny mpanankarena Izy, rehefa novonoinaNa: Sy ho eo amin'ny mpanankarena, rehefa novonoina Izy), na dia tsy nanao ratsy aza Izy, sady tsy nisy fitaka teo am-bavany. 10Nefa sitrak'i Jehovah ny hanorotoro sy hampangirifiry Azy; Rehefa manolotra fanati-panonerana Izy, dia hahita taranakaNa: Rehefa ataonao fanati-panonerana ny ainy, dia hahita taranaka Izy sady ho maro andro, ary ny sitrapon'i Jehovah dia hambinina eo an-tànany. 11Noho ny fisasaran'ny fanahiny dia hahita izany Izy ka ho afa-po; Ny fahalalana AzyHeb.fahalalany no hanamarinan'ny Mpanompoko marina ny olona maro, ary Izy no hivesatra ny helok'ireo. 12Koa dia hanome Azy anjara amin'ny lehibe Aho, ary hizara babo amin'ny mahery IzyNa: dia homeko Azy ny lehibe ho anjarany sy ny mahery ho anjara-babony; Satria naidiny ho amin'ny fahafatesana ny ainy, Ary natao ho isan'ny mpanota Izy; Eny, Izy no nitondra ny fahotan'ny maro sady manaoNa: nanaofifonana ho an'ny mpanota.

( Isaia 53:1-12 )

Hitantsika fa ilay Mesia nolavina sy notsinontsinoavina dia maty noho ny fahotantsika, tahaka ny zanak’ondry vonoina. Maty tsy nanan-taranaka Izy, kanefa Izy “ho lava andro” ary “hahita taranaka maro”. Mety ho midika izany fa hatsangana amin’ny maty ny Mesia aorian’ny nahafatesany, na ety an-tany na any an-danitra, ary hanan-janaka Izy, na ara-nofo na ara-panahy.

Ankehitriny, ho fanazaran-tena ho anao manokana, sy hanapahanao hevitra raha Jesosy no Mesia andrasana, vakio ireo fijoroana vavolombelona momba an’i Jesosy Kristy avy amin’i Matio, Marka, Jaona, izay nandany ampahany lehibe tamin’ny fiainany niaraka tamin’i Jesosy, ary ilay dokotera Lioka, izay nanangona tamim-pitandremana ireo zava-misy momba ny fiainan’i Jesosy Kristy avy any Nazareta…